delhi: ఢిల్లీ మెట్రో రైళ్లలో మహిళా జేబుదొంగల జోరు.. 438 మంది పట్టుబడిన వైనం!
ఢిల్లీ మెట్రో రైళ్లలో దొంగ‌లు రెచ్చిపోతున్నారు. ప్రయాణికుల జేబులు కత్తిరించేస్తున్నారు. అయితే, ఈ చోరీల‌కు పాల్ప‌డుతూ పోలీసులకి పట్టుబడిన వారిలో 91 శాతం మంది మ‌హిళ‌లే వున్నారు. ఢిల్లీ మెట్రో స్టేష‌న్‌ల‌లో సెంట్రల్ ఇండస్ట్రీయల్ సెక్యూరిటీ ఫోర్స్(సీఐఎస్ఎఫ్) పోలీసులు ఈ ఏడాది ప‌ట్టుకున్న జేబు దొంగ‌ల వివ‌రాల‌ను వెల్లడించారు. అయితే వారిలో 438 మంది మహిళలు ఉండ‌గా, పురుషులు 41 మంది మాత్ర‌మే ఉన్నారు.
కొన్నేళ్ల నుంచి జేబు దొంగతనాలకు పాల్పడుతున్న మహిళల సంఖ్య పెరుగుతూనే ఉంద‌ని అధికారులు పేర్కొన్నారు. ఈ మహిళలు ప్ర‌యాణికుల‌కి అనుమానం రాకుండా పిల్లవాడిని చంకలో పెట్టుకొని మ‌రీ ప్రయాణికుల జేబుల్లో చేతులు పెట్టేస్తున్నార‌ట. మ‌రికొంత మంది మహిళలు గుంపుగా వెళ్లి ప్రయాణికుల పర్సులు కొట్టేస్తున్నార‌ట. దొంగ‌ల‌ను పట్టుకోవడానికి సీఐఎస్ఎఫ్ పోలీసులు సాధారణ దుస్తుల్లో రైళ్లలోకి ప్ర‌వేశించి త‌నిఖీలు నిర్వ‌హించారు.