nararohith: నాగశౌర్యకి థ్యాంక్స్ చెప్పిన నారా రోహిత్!
'శమంతకమణి' .. వినగానే ఆసక్తిని రేకెత్తించే టైటిల్. ఇది ఒక కారు పేరు .. దానిని ఎత్తుకెళ్లిన దొంగల చుట్టూ ఈ కథ తిరుగుతుందని నారా రోహిత్ చెప్పాడు. ఈ సినిమాలో నారా రోహిత్ పోలీస్ ఆఫీసర్ పాత్రలో నటించగా, మిగిలిన ప్రధానమైన పాత్రల్లో సుధీర్ బాబు .. సందీప్ కిషన్ .. ఆది .. రాజేంద్ర ప్రసాద్ నటించారు. ఆదిత్య శ్రీరామ్ దర్శకత్వం వహించిన ఈ సినిమాను ఈ నెల 14వ తేదీన విడుదల చేస్తున్నారు.
ఈ సందర్భంగా నారా రోహిత్ మాట్లాడుతూ .. నాగశౌర్యకి థ్యాంక్స్ చెప్పాడు. ముందుగా ఈ కథను నాగశౌర్యకి దర్శకుడు ఆదిత్య శ్రీరామ్ వినిపించాడనీ, ఇందులో పోలీస్ పాత్ర తాను చేస్తేనే బాగుంటుందని తన దగ్గరికి నాగశౌర్య పంపించాడని అన్నాడు. ఇంత మంచి పాత్రను పోషించే అవకాశాన్ని కలిగించిన నాగశౌర్యకి కృతజ్ఞతలు తెలిపాడు. ఈ సినిమా అన్ని వర్గాల ప్రేక్షకులకు కనెక్ట్ అవుతుందనే ఆశాభావాన్ని వ్యక్తం చేశాడు.