Sampath: సంపత్ దర్శకత్వంలో నితిన్ సినిమా!
నితిన్, సంపత్ నంది కలయికలో ఓ చిత్రాన్ని నిర్మించడానికి ప్లాన్ జరుగుతున్నట్టు వార్తలు వినిపిస్తున్నాయి. ఇటీవల గోపీచంద్ హీరోగా సంపత్ నంది రూపొందించిన 'గౌతమ్ నందా' చిత్రం బాక్సాఫీసు వద్ద నిలబడలేదు. ఈ నేపథ్యంలో తన తదుపరి చిత్రాన్ని నితిన్ తో చేయడానికి సంపత్ ప్రయత్నిస్తున్నాడట. ప్రస్తుతం కృష్ణ చైతన్య దర్శకత్వంలో నితిన్ ఓ చిత్రం చేస్తున్నాడు. ఈ చిత్రాన్ని పవన్ కల్యాణ్, త్రివిక్రమ్ లతో కలసి నితిన్ తన సొంత బ్యానర్ పై నిర్మిస్తున్నాడు. దీనిపై నితిన్ చాలా హోప్స్ పెట్టుకున్నాడు. ఈ సినిమా తర్వాత నిర్మాత రాధామోహన్ కు తను ఓ సినిమా చేయాల్సివుంది. ఆ చిత్రానికి సంపత్ దర్శకత్వం వహిస్తాడని అంటున్నారు. ప్రస్తుతం దీనికి స్క్రిప్టు తయారుచేసే పనిలో సంపత్ నిమగ్నమైవున్నాడు.
