sunil: సావిత్రి పాత్ర మీకు తప్పకుండా నచ్చుతుంది : మియా జార్జ్
తమిళ .. మలయాళ భాషల్లో కథానాయికగా మియా జార్జ్ కి మంచి గుర్తింపు వుంది. 'ఉంగరాల రాంబాబు' సినిమాతో ఆమె తెలుగు తెరకు పరిచయం అవుతోంది. సునీల్ కథానాయకుడిగా చేసిన ఈ సినిమా, ఈ నెల 15వ తేదీన విడుదలవుతోంది. ఈ సందర్భంగా మియా జార్జ్ మాట్లాడుతూ, ఈ సినిమాలో తన పాత్ర పేరు సావిత్రి అనీ .. ఈ పాత్రను దర్శకుడు తీర్చిదిద్దిన తీరు అందరికీ నచ్చుతుందని చెప్పింది.
తెలుగును నేర్చుకోవడానికి ప్రయత్నిస్తూనే, ఈ పాత్రను పండించడానికి తనవంతు కృషి చేశానని అంది. దర్శకులు క్రాంతిమాధవ్ .. సునీల్ తనకి ఎంతగానో సహకరించారని చెప్పింది. సునీల్ మంచి నటుడే కాదు .. అంతకి మించిన డాన్సర్ అనే విషయం తనకి అర్థమైందని అంది. ఈ సినిమా తప్పకుండా సక్సెస్ అవుతుందనే నమ్మకం ఉందంటూ ఆశాభావాన్ని వ్యక్తం చేసింది.