santiago: భూకంపంలో చనిపోయిన వారికి సంతాపం తెలిపిన ఫుట్‌బాల్ స్టార్ రొనాల్డో
ఇటీవ‌ల శాంటియాగో భూకంపంలో చనిపోయిన త‌న అభిమానికి ఫుట్‌బాల్ స్టార్ క్రిస్టియానో రొనాల్డో ట్విట్ట‌ర్ ద్వారా సంతాపం ప్రకటించాడు. త‌న రియ‌ల్ మాడ్రిడ్ జ‌ట్టు జెర్సీ మీద `నా నెం. 1 శాంటియాగో అభిమాని` అని రాసి, దాన్ని ప‌ట్టుకుని దిగిన ఫొటోను రొనాల్డో షేర్ చేశాడు. శాంటియాగోలో సంభ‌వించిన 7.1 తీవ్ర‌త గ‌ల భూకంపం కార‌ణంగా ఓ విద్యార్థి చనిపోయాడు. చనిపోయిన బాలుడు రొనాల్డోకి పెద్ద అభిమాని. ఈ విష‌యాన్ని అత‌ని కుటుంబ‌స‌భ్యులు రొనాల్డోకి తెలిపారు.
దీంతో ఆ బాలుడితో పాటు, భూకంపంలో చనిపోయిన వారంద‌రి కుటుంబాల‌ను రొనాల్డో సోష‌ల్ మీడియా ద్వారా ప‌రామ‌ర్శించాడు. `ఇలాంటి బాధాక‌ర సంఘ‌ట‌న‌లో నా శాంటియాగో అభిమాని కుటుంబానికి, అలాగే త‌మ ఆప్తుల్ని కోల్పోయిన వారంద‌రికీ నేను అండ‌గా ఉంటాను` అని రొనాల్డో పోస్ట్ చేశాడు. అలాగే రొనాల్డో జ‌ట్టు అథ్లెటిక్ మాడ్రిడ్ భూకంప బాధితుల కోసం 50వేల యూరోలు స‌హాయంగా అంద‌జేస్తున్న‌ట్లు ప్ర‌క‌టించింది.