south Korea: ఉత్తరకొరియాతో సంబంధాలపై ఆసక్తికర ట్వీట్ చేసిన ట్రంప్!
- 25 ఏళ్లుగా ఎందరో అధ్యక్షులు ఎడతెగని చర్చలు జరిపారు
- ఉత్తరకొరియాకు భారీగా సొమ్ములు ముట్టజెప్పారు
- అమెరికాతో ఆ దేశం చేసుకున్న అన్ని ఒప్పందాలను ఉల్లంఘించింది
ట్విట్టర్ ద్వారా తన అభిప్రాయాలు స్పష్టంగా చెప్పే అమెరికా అధ్యక్షుడు డొనాల్డ్‌ ట్రంప్ మరోసారి ఉత్తరకొరియా లక్ష్యంగా ఆసక్తికర ట్వీట్స్ చేశారు. ఈ ట్వీట్స్ లో గతంలో అమెరికా అధ్యక్షులు చేసిన పనిని వివరిస్తూ, ప్రస్తుత పరిస్థితిని ప్రతిబింబించారు.
‘ఎంతో మంది అధ్యక్షులు, వారి కార్యదర్శులు గత 25 ఏళ్లుగా ఉత్తరకొరియాతో ఎడతెగని చర్చలు జరిపారు. ఆ దేశానికి భారీగా సొమ్ములు ముట్టజెప్పారు. కానీ అవేవీ పనిచేయలేదు. మధ్యవర్తులను ఫూల్స్ చేస్తూ, కాగితాలపై సిరా ఆరిపోకముందే తాను చేసుకున్న ఒప్పందాలను ఆ దేశం ఉల్లంఘించింది. సారీ, కేవలం ఒకే ఒక్కటి దీనికి బాగా పనిచేస్తుంది..!’ అంటూ ఆయన ఉత్తరకొరియాతో యుద్ధం అనివార్యమని స్పష్టంగా ట్వీట్ చేశారు.
గత కొంత కాలంగా అమెరికా, ఉత్తర కొరియా అధ్యక్షుల మధ్య మాటల యుద్ధం కొనసాగుతున్న సంగతి తెలిసిందే.