charan: అందుకే 'రంగస్థలం' రిలీజ్ ఆలస్యం కానుందట!
- సుకుమార్ దర్శకత్వంలో 'రంగస్థలం 1985'
- గ్రామీణ నేపథ్యంతో కూడిన కథాంశం
- భారీ విలేజ్ సెట్లో చిత్రీకరణ
- గ్రాఫిక్స్ కి ప్రాధాన్యత
సుకుమార్ దర్శకత్వంలో చరణ్ కథానాయకుడిగా 'రంగస్థలం 1985' సినిమా తెరకెక్కుతోంది. సమంత కథానాయికగా రూపొందుతున్న ఈ సినిమా, ఇప్పటికే చాలావరకూ చిత్రీకరణను పూర్తి చేసుకుంది. ఈ సినిమాను క్రిస్మస్ కానుకగా డిసెంబర్ లో విడుదల చేయాలనుకున్నారు. అయితే అప్పటికి పనులు పూర్తి కాకపోవచ్చనే ఉద్దేశంతో, సంక్రాంతికి వస్తుందని చెప్పారు. అప్పటికి కూడా ఈ సినిమా థియేటర్లకు వచ్చే అవకాశం కనిపించడం లేదనే టాక్ తాజాగా వినిపిస్తోంది.
అందుకు కారణం గ్రాఫిక్స్ అని చెబుతున్నారు. ఈ సినిమాకి సంబంధించిన కొన్ని సన్నివేశాలను గోదావరి తీరంలోని ఓ విలేజ్ లో తీశారు. ఆ తరువాత అక్కడ షూటింగ్ చేయడం ఇబ్బందిగా మారడంతో, హైదరాబాద్ లోని ఓ స్టూడియోలో విలేజ్ సెట్ వేసి చిత్రీకరిస్తున్నారు. సెట్ లో చిత్రీకరించిన సీన్స్ .. గోదావరి తీరంలో తీసినట్టు కనిపించేలా చేయాలి. అందుకు అవసరమైన గ్రాఫిక్స్ వర్క్ కి చాలా సమయం పడుతుందట. అందుకనే రిలీజ్ లేట్ కావొచ్చని అంటున్నారు.