sbi: గుడ్ న్యూస్‌.. గృహ రుణాల వడ్డీరేట్లను తగ్గించిన ఎస్‌బీఐ!
- రేప‌టి నుంచి అమ‌లులోకి
- మార్జినల్‌కాస్ట్‌ లెండింగ్‌ రేటు (ఎంసీఎల్ఆర్) 5 బేసిస్ పాయింట్లకు త‌గ్గింపు
- 10 నెలల్లో ఎస్‌బీఐ తొలిసారి ఎంసీఎల్ఆర్ త‌గ్గింపు
గృహ రుణాలు ఆశిస్తోన్న వారికి స్టేట్‌ బ్యాంక్‌ ఆఫ్‌ ఇండియా శుభ‌వార్త తెలిపింది. గృహ‌రుణ వడ్డీరేట్లను త‌గ్గిస్తున్నామ‌ని, ఈ నిర్ణ‌యం రేప‌టి నుంచే అమ‌లులోకి వ‌స్తుంద‌ని పేర్కొంది. మార్జినల్‌కాస్ట్‌ లెండింగ్‌ రేటు (ఎంసీఎల్ఆర్) 5 బేసిస్ పాయింట్లకు త‌గ్గిస్తున్న‌ట్లు తెలిపింది. ఇటీవ‌ల ఇత‌ర బ్యాంకులు కూడా ఇదే గృహ రుణాల వడ్డీరేట్లను తగ్గించిన విష‌యం తెలిసిందే. 10 నెలల్లో ఎస్‌బీఐ తొలిసారి ఈ రేటును తగ్గించింది. దీంతో ఇప్ప‌టివ‌ర‌కు 8 శాతంగా ఉన్న వార్షిక ఎంసీఎల్ఆర్ 7.95 శాతానికి త‌గ్గింది.
