stock markets: భారీ న‌ష్టాల‌తో ముగిసిన స్టాక్ మార్కెట్లు!
- 281 పాయింట్లు నష్టపోయిన సెన్సెక్స్‌
- 97 పాయింట్లు కోల్పోయిన నిఫ్టీ
- లాభాల స్వీకరణకు ఆస‌క్తి చూపిన మదుపర్లు
చివరి గంటల్లో మదుపర్లు లాభాల స్వీకరణకు ఆస‌క్తి చూపడంతో అమ్మకాలు వెల్లువెత్తాయి. దీంతో ఈ రోజు స్టాక్ మార్కెట్లు న‌ష్టాల‌తో ముగిశాయి. 281 పాయింట్లు నష్టపోయిన సెన్సెక్స్‌ 33,033 వద్ద ముగియ‌గా, నిఫ్టీ 97 పాయింట్లు కోల్పోయి 10,225 వద్ద ముగిసింది.
ఇక డాలర్‌తో రూపాయి మారకం విలువ రూ.65.46గా న‌మోదైంది. ఈ రోజు ఆరంభం నుంచి సూచీలు ఒత్తిడికి గురయ్యాయ‌ని విశ్లేష‌కులు పేర్కొన్నారు. సన్‌ఫార్మా, యూపీఎల్‌ లిమిటెడ్‌, హిందుస్థాన్‌ పెట్రోలియం, టీసీఎస్‌, మహింద్రా అండ్‌ మహింద్రా షేర్లు లాభపడ్డాయి. కోల్‌ఇండియా, భారతీ ఇన్‌ఫ్రాటెల్‌, అదానీ పోర్ట్స్‌, అరబిందో ఫార్మా త‌దిత‌ర షేర్లు న‌ష్టపోయాయి.