mahabali: భోజ్‌పురిలో 'బాహుబలి' రీమేక్.. వ‌చ్చే నెల 15న టీజర్.. స్టిల్ విడుదల!
- ‘బాహుబలి’ సినిమాకి రీమేక్‌గా ‘వీర్‌ యోధ మహాబలి’
- హ‌క్కులు ద‌క్కించుకున్న‌ట్లు చెప్పిన భోజ్‌పురి నటుడు దినేశ్‌లాల్‌ యాదవ్
- సినిమా ప్రోమోల షూటింగ్ మహారాష్ట్రలోని ఓ గ్రామంలో
ప్ర‌భాస్‌, రాజమౌళి కాంబినేష‌న్లో వ‌చ్చిన ‘బాహుబలి’ సినిమా ఎంత‌గా హిట్ అయిందో తెలిసిందే. ఆ సినిమాను రీమేక్ చేయ‌‌డానికి తాను హ‌క్కులు ద‌క్కించుకున్న‌ట్లు భోజ్‌పురి నటుడు దినేశ్‌లాల్‌ యాదవ్ త‌న సోష‌ల్ మీడియా ఖాతాల్లో తెలిపాడు. ఇందుకు సంబంధించిన ఓ ఫొటోను కూడా పోస్ట్ చేశాడు.
ఇక్బాల్‌ భక్ష్ దర్శకత్వంలో రూపుదిద్దుకుంటోన్న ఈ రీమేక్ చిత్రానికి ‘వీర్‌ యోధ మహాబలి’ అనే టైటిల్‌ను పెడుతున్న‌ట్లు చెప్పాడు. ‘వీర్‌ యోధ మహాబలి’ సినిమా ప్రోమోల షూటింగ్ మహారాష్ట్రలోని ఓ గ్రామంలో కొన‌సాగుతోంది. వ‌చ్చే నెల 15న దీని టీజర్ విడుదల కానుంది. షూటింగ్‌కు సంబంధించిన వీడియో ఆన్‌లైన్‌లో హ‌ల్‌చ‌ల్ చేస్తోంది.