rana: రానా వాయిస్ ఓవర్ తో ఆసక్తిని రేపుతోన్న 'రాజరథం' ట్రైలర్
- తెలుగు ఆడియన్స్ ముందుకు 'రాజరథం'
- యాక్షన్ తో పాటు హాస్యానికి పెద్ద పీట
- జనవరి 25వ తేదీన విడుదల
అనూప్ భండారి దర్శకత్వంలో నిరూప్ భండారి .. అవంతిక శెట్టి జంటగా కన్నడలో తెరకెక్కిన చిత్రం, 'రాజరథం' పేరుతో తెలుగు ప్రేక్షకుల ముందుకు రానుంది. 'రాజరథం' అనేది ఈ సినిమాలోని ఓ బస్సు పేరు. కథ అంతా కూడా ఈ బస్సు చుట్టూనే తిరుగుతుంది. వచ్చేనెల 25వ తేదీన ఈ సినిమాను తెలుగులో విడుదల చేయనున్నారు.
నిన్నరాత్రి విడుదల చేసిన తెలుగు ట్రైలర్ కి అనూహ్యమైన రెస్పాన్స్ వస్తోంది. రానా వాయిస్ ఓవర్ పై కట్ చేసిన ఈ ట్రైలర్ ఆకట్టుకుంటోంది .. ఆసక్తిని రేకెత్తిస్తోంది. ప్రధానమైన పాత్రలను ఆయన వాయిస్ ఓవర్ తో పరిచయం చేసిన తీరు గమ్మత్తుగా వుంది. బస్సు పాత్రలో తానే మాట్లాడటం కుతూహలాన్ని కలిగిస్తోంది. యాక్షన్ కామెడీ నేపథ్యంలో ఈ కథ కొనసాగుతుందనేది ట్రైలర్ ను బట్టి అర్థమవుతోంది. ట్రైలర్ లో కొత్త ముఖాలు ఎక్కువగా కనిపించినప్పటికీ, రానా వాయిస్ ఓవర్ వలన ఇది తెలుగు సినిమానే అనే ఫీలింగ్ కలుగుతోంది.
