Balakrishna: హిందూపురంలో క్రికెట్ ఆడి అలరించిన బాలయ్య!
- హిందూపురంలో బాలయ్య సందడి
- బసవతారకం మెమోరియల్ క్రికెట్ టోర్నీ ప్రారంభం
- క్రీడాకారులతో కరచాలనం
ప్రముఖ సినీ నటుడు, హిందూపురం టీడీపీ ఎమ్మెల్యే బాలకృష్ణ క్రికెట్ ఆడి అలరించారు. ప్రస్తుతం హిందూపురం నియోజకవర్గంలో బాలయ్య పర్యటిస్తున్నారు. రెండో రోజు పర్యటన సందర్భంగా ఆయన బసవతారకం మెమోరియల్ క్రికెట్ టోర్నీని ప్రారంభించారు. స్థానిక ఎంజీఎం స్టేడియంలో ఈ టోర్నీ జరుగుతోంది. ఈ సందర్భంగా కాసేపు క్రికెట్ ఆడి అందరినీ ఉత్సాహపరిచారు బాలయ్య. అనంతరం కరచాలనం చేస్తూ, క్రీడాకారులను పరిచయం చేసుకున్నారు. ఈ సందర్భంగా బాలయ్య మాట్లాడుతూ, మాససిక ఒత్తిడి నుంచి బయటపడేందుకు క్రీడలు ఎంతో ఉపయోగపడతాయని చెప్పారు.
