Guntur District: గుంటూరు జిల్లాలో వైఎస్ విగ్రహం ధ్వంసం... పరిస్థితి ఉద్రిక్తం!
- దాచేపల్లి మండలంలో ఘటన
- నిరసనకు దిగిన వైఎస్ఆర్ కాంగ్రెస్ కార్యకర్తలు
- పోలీసు పికెటింగ్ ఏర్పాటు
గుంటూరు జిల్లాలో గుర్తు తెలియని వ్యక్తులు కొందరు దివంగత ముఖ్యమంత్రి వైఎస్ రాజశేఖర రెడ్డి విగ్రహాన్ని ధ్వంసం చేయడంతో ఉద్రిక్త పరిస్థితులు ఏర్పడ్డాయి. దాచేపల్లి మండలం కేసానుపల్లిలో ఈ ఘటన జరిగింది. విషయం తెలుసుకున్న వైఎస్ఆర్ కాంగ్రెస్ పార్టీ కార్యకర్తలు నిరసనకు దిగి, రోడ్డుపై బైఠాయించారు. దీంతో ఆ మార్గంలో ట్రాఫిక్ స్తంభించిపోయింది. రంగంలోకి దిగిన పోలీసులు ఆందోళనకారులను చెదరగొట్టి పోలీసు పికెటింగ్ ఏర్పాటు చేశారు. కేసానుపల్లిలో 144 సెక్షన్ విధించామని తెలిపారు. విగ్రహాన్ని ధ్వంసం చేసిన వారిపై కేసు నమోదు చేశామని, వారు ఎవరో తెలుసుకునే ప్రయత్నం చేస్తున్నామని వెల్లడించారు.