vladimir putin: మా దగ్గర కొత్త తరహా అణ్వాయుధాలున్నాయి.. గుబులు రేపుతున్న రష్యా ప్రకటన
- నాలుగోసారి అధ్యక్ష పదవికి పోటీ పడుతున్న పుతిన్
- మా దగ్గర కొత్త అణ్వాయుధాలున్నాయి
- ప్రపంచంలో ఏ మూలకైనా ప్రయాణించగలవు
తమ దగ్గర కొత్తతరం అణ్వాయుధాలున్నాయంటూ రష్యా విడుదల చేసిన ప్రకటన ప్రపంచదేశాల్లో ప్రకంపనలు రేపుతోంది. నాలుగవసారి అధ్యక్ష పీఠానికి పోటీ పడుతున్న వ్లాదిమిర్ పుతిన్ ఈ విష‌యాన్ని ప్రకటిస్తూ, తమ వద్ద ప్రపంచంలోని ఏ మూలకైనా ప్రయాణించగల క్రూయిజ్ క్షిపణులు ఉన్నాయని అన్నారు. అలాగే రెండు కొత్త తరహా న్యూక్లియ‌ర్ డెలివ‌రీ సిస్ట‌మ్స్‌ ను అభివృద్ధి చేశామని ఆయన వెల్లడించారు.
తమ వద్ద ఉన్న ఈ కొత్త తరహా అణ్వాయుధాలు ఏ టార్గెట్ నైనా కొట్టగలవని ఆయన ప్రకటించారు. తాము తయారు చేసిన అణ్వాయుధాలు తక్కువ ఎత్తులో ప్రయాణిస్తాయని, వాటిని గుర్తించడం ఎవరి తరమూ కాదని ఆయన చెప్పారు. అమెరికానుద్దేశించి.. పాశ్చాత్య దేశాలు త‌న మాట‌ల‌ను గ్రహిస్తూ ఉంటాయ‌నుకుంటున్నట్టు హెచ్చరించారు.