secret camera: పక్కింటి బాత్ రూమ్ లో రహస్య కెమెరా అమర్చిన యువకుడు.. అరెస్ట్
- బెంగళూరులోని బనశంకరిలో ఘటన
- బాత్ రూమ్ లో రహస్య కెమెరా గుర్తించిన మహిళ
- పోలీసులకు ఫిర్యాదు చేసిన భర్త
సభ్యసమాజం తలదించుకునేలా వికృత చేష్టలకు పాల్పడిన ఓ యువకుడు కటకటాలపాలయ్యాడు. వివరాల్లోకి వెళ్తే, బెంగళూరు బనశంకరి ప్రాంతంలోని మైకో లేఔట్ సార్వభౌమనగర్ లో ఉంటున్న జీవన్ అనే యువకుడు ఓ ప్రైవేట్ కంపెనీలో మార్కెటింగ్ ఉద్యోగం చేస్తున్నాడు. ఇటీవల తన పక్కింట్లో ఉన్న బాత్ రూమ్ లో రహస్య కెమెరాను అమర్చాడు.
ఈ నేపథ్యంలో, బాత్ రూమ్ కు వెళ్లిన సదరు పక్కింటి మహిళ... అక్కడ కెమెరా ఉన్నట్టు గుర్తించింది. వెంటనే ఆ విషయాన్ని భర్తకు చెప్పింది. దీంతో, ఆయన పోలీసులకు ఈ విషయం గురించి ఫిర్యాదు చేశాడు. రంగంలోకి దిగిన పోలీసులు... ఈ పనికి పాల్పడింది జీవన్ అని గుర్తించి, కటకటాల వెనక్కి పంపారు.