vijay antony: తమిళ వెర్షన్ తోనే సరిపెడుతోన్న 'బిచ్చగాడు' హీరో
- తెలుగులో హిట్ కొట్టిన 'బిచ్చగాడు '
- బేతాళుడు' .. 'యముడు'కి లేని ఆదరణ
- ఇక 'కాళి' సినిమాకి బిజినెస్ లేదు
తెలుగులో అనూహ్యమైన విజయాన్ని సాధించిన అనువాద చిత్రాలలో 'బిచ్చగాడు' ముందువరుసలో కనిపిస్తుంది. కథాబలానికి .. కొత్తదనానికి .. తెలుగు ప్రేక్షకులు ఎంతలా పట్టం కడతారనేది ఈ సినిమా నిరూపించింది. ఈ సినిమా తరువాత ఇక్కడ విజయ్ ఆంటోని సినిమాల పట్ల ఆసక్తిని చూపించేవారి సంఖ్య పెరిగిపోయింది.
అయితే ఆ తరువాత వచ్చిన 'బేతాళుడు' .. 'యముడు' సినిమాలు ప్రేక్షకులను అంతగా ఆకట్టుకోలేదు. ఇక తమిళంలో ఆయన తాజా చిత్రమైన 'కాళి' సినిమాను తెలుగులో కొనేవారే కరువయ్యారు. దాంతో ఆయన తమిళంలో మాత్రమే ఈ సినిమాను విడుదల చేస్తున్నాడు. తమిళంలో హిట్ కొడితే మాత్రం తెలుగులోకి అనువాదమయ్యే అవకాశాలు వున్నాయి. మరి విజయ్ ఆంటోనికి ఈ సినిమా ఎలాంటి ఫలితాన్ని ఇస్తుందో చూడాలి.
