charan: చరణ్ మాములుగా కష్టపడలేదు: సమంత
- 'చిట్టిబాబు'గా చరణ్ అదరగొట్టేశాడు
- ఆయన అంకితభావం ఆశ్చర్యాన్ని కలిగించింది
- మా కెరియర్లోనే ఇది బెస్ట్ మూవీ అవుతుంది
చరణ్ .. సుకుమార్ కాంబినేషన్లో రూపొందిన 'రంగస్థలం' సినిమా ఎల్లుండి ప్రపంచవ్యాప్తంగా ప్రేక్షకుల ముందుకు రానుంది. ఈ సినిమాలో చరణ్ సరసన కథానాయికగా సమంత చేసింది. తాజాగా ఈ సినిమాను గురించి సమంత మాట్లాడుతూ .. "ఈ సినిమాలో చరణ్ వినికిడి లోపం కలిగిన 'చిట్టిబాబు' పాత్రలో కనిపిస్తాడు. ఇప్పటికే ఆయన లుక్ అభిమానులను ఆకట్టుకుంది. ఈ సినిమా టీజర్ కి .. సాంగ్స్ కి మంచి క్రేజ్ రావడానికి కారణం చరణ్ కి గల అంకితభావమే.
ఈ సినిమా కోసం ఆయన చాలా కష్టపడ్డాడు. ప్రతి సీన్ .. ప్రతి సాంగ్ బాగా రావడం కోసం ఆయన పడే తపన నాకు ఆశ్చర్యాన్ని కలిగించింది. ఈ సినిమా చూసిన తరువాత 'రంగస్థలం' ముందు చరణ్ .. 'రంగస్థలం' తరువాత చరణ్ అని మాట్లాడుకోవడం ఖాయం. అంతగా ఈ సినిమా ద్వారా ఆయన ప్రేక్షకులను ప్రభావితం చేయనున్నాడు. మా ఇద్దరి కెరియర్లో ఇది బెస్ట్ సినిమా అవుతుందనే నమ్మకం ఉందని చెప్పుకొచ్చింది.