nani: డౌటే లేదు హ్యాట్రిక్ హిట్ కొట్టేస్తాం: దిల్ రాజు
- ఈ నెల 12న 'కృష్ణార్జున యుద్ధం'
- భారీగా రిలీజ్ చేస్తోన్న దిల్ రాజు
- నాని ద్విపాత్రాభినయం ప్రత్యేకత
నిర్మాతగానూ .. డిస్ట్రిబ్యూటర్ గాను దిల్ రాజుకి మంచి పేరుంది. ఈ రెండు రంగాల్లోను ఆయనకి ఎంతో అనుభవం వుంది. ప్రస్తుతం ఆయన ఈ నెల 12వ తేదీన 'కృష్ణార్జున యుద్ధం' సినిమాను రిలీజ్ చేసే పనుల్లో బిజీగా వున్నారు. ఈ సినిమాతో తాము హ్యాట్రిక్ హిట్ ను అందుకోవడం ఖాయమంటూ బలమైన నమ్మకాన్ని వ్యక్తం చేస్తున్నారు.
" క్రితం ఏడాది నాని హీరోగా 'నేను లోకల్' .. 'మిడిల్ క్లాస్ అబ్బాయి' సినిమాలను నేను నిర్మించాను. ఈ రెండు సినిమాలు కూడా భారీ విజయాలను అందుకున్నాయి. నాని తాజా చిత్రమైన 'కృష్ణార్జున యుద్ధం' సినిమాను నేనే రిలీజ్ చేస్తున్నాను. మా ఇద్దరి కాంబినేషన్లో వస్తోన్న ఈ సినిమా .. హ్యాట్రిక్ హిట్ తెచ్చిపెడుతుందనే బలమైన నమ్మకంతో వున్నాను" అని చెప్పుకొచ్చారు. నాని ద్విపాత్రాభినయం చేస్తోన్న ఈ సినిమాలో, అనుపమ పరమేశ్వరన్ .. రుక్సార్ మీర్ కథానాయికలుగా నటించిన సంగతి తెలిసిందే.