vishnu: 'ఆచారి అమెరికా యాత్ర' రిలీజ్ డేట్ ఖరారు
- వినోదమే ప్రధానంగా 'ఆచారి అమెరికా యాత్ర'
- కీలకమైన పాత్రలో బ్రహ్మానందం
- ఈ నెల 27వ తేదీన విడుదల
మోహన్ బాబు విలన్ పాత్రల నుంచి హీరోగా టర్న్ తీసుకున్న తరువాత యాక్షన్ కామెడీతో కూడిన కథలకి ఎక్కువ ప్రాధాన్యతను ఇచ్చాడు. అలాగే మంచు విష్ణు కూడా యాక్షన్ కామెడీ కథలను ఎంచుకుని ముందుకు వెళుతున్నాడు. ఈ క్రమంలో దర్శకుడు జి.నాగేశ్వర రెడ్డి కాంబినేషన్లో ఆయన చేసిన 'ఈడో రకం ఆడో రకం' సినిమా మంచి విజయాన్ని సాధించింది.
ఆ తరువాత ఈ ఇద్దరి కాంబినేషన్లో 'ఆచారి అమెరికా యాత్ర' సినిమా రూపొందింది. ఈ సినిమా విడుదల ఇప్పటికే ఒకటి రెండు సార్లు వాయిదా పడింది. ఈ నెల 27వ తేదీన ఈ సినిమాను విడుదల చేయనున్నట్టు తాజాగా ప్రకటించారు. అందుకు సంబంధించిన ఒక పోస్టర్ ను కూడా రిలీజ్ చేశారు. ప్రగ్యా జైస్వాల్ కథానాయికగా నటించిన ఈ సినిమాలో, బ్రహ్మానందం ఒక కీలకమైన పాత్రను పోషించిన సంగతి తెలిసిందే.