artist srireddy: 'క్యాస్ట్ ప్రైడ్'తో కాలర్ ఎగరేసే చాలా మందిని చూసి జాలి వేస్తోంది!: నటి శ్రీరెడ్డి
- కులాభిమానం అనే బలహీనతను ఓ కుటుంబం క్యాష్ చేసుకుంది
- ఆ కుటుంబం నుండి ఇప్పటికి 8 మంది హీరోలను వదిలారు
- బ్లడ్ బ్యాంకు, ‘ఐ’ బ్యాంకు పెట్టాడు
- ఆ తర్వాత రాజకీయాల్లోకి వచ్చి సొమ్ము చేసుకున్నాడు
కొంత మంది తన ప్రాణమిత్రులు, సోదరులు ఫ్యాన్స్ గా చెప్పుకుంటూ ‘క్యాస్ట్ ప్రైడ్’తో కాలర్ ఎగరేసే వారిని చూసి జాలి పడి రాస్తున్నానంటూ నటి శ్రీరెడ్డి ‘ఫేస్ బుక్’లో ఓ పోస్ట్ చేసింది. కులాభిమానం అనే బలహీనతను క్యాష్ చేసుకున్న ఓ కుటుంబం, ఇప్పటికే 8 మంది హీరోలను వదిలారంటూ శ్రీరెడ్డి విమర్శలు గుప్పించింది.
శ్రీరెడ్డి ఆ పోస్ట్ లో విశదీకరిస్తూ.. ‘దగ్గర దగ్గర 28 శాతం విస్తరించి ఉన్న ఒక సామాజిక వర్గం, కులాభిమానం మెండుగా ఉండి అది తలకెక్కి ఆ ఒక్క కుటుంబం బాగుంటే మేము బాగున్నట్టే అనుకొని ఒక పిచ్చి భ్రమలో బతుకున్నారు. మా కులంలో ఒక గొప్ప హీరో ఉన్నాడు, మిగిలిన ఇంకో సామాజిక వర్గానికి దీటైన పోటీ ఇచ్చాడు, మా పరువు నిలుపుతున్నాడు.... అనుకుంటూ ఒంటి మీద చొక్కా, కాలికి జోళ్ళు ఉన్నాయో లేదో చూసుకోకుండా 30 ఏళ్లుగా ఆ ఒక్క కుటుంబాన్ని మోస్తున్నారు.... ఏం ఒరిగింది మీకు ?? ఆ కుటుంబం అద్దె ఇంటి నుండి డాబాకి , ఆడ నుండి మేడలోకి ఆపై రాజ భవనం లాంటి ఇళ్ళలోకి మారి భుజాన మోస్తున్న మిమ్మల్ని గేటు దగ్గరే ఆపేసారు. అందులో మీకు వచ్చింది మా కులంలో ఒక పెద్ద హీరో ఉన్నాడు అని ఒక ఫాల్స్ 'క్యాస్ట్ ప్రైడ్' అంతే.
ఆ కులాభిమానం వీక్నెస్ ని....ఆ కుటుంబం క్యాష్ చేస్కొని... ఆయన కుటుంబం నుండి ఇప్పటికి 8 మందిని హీరోస్ ని చేసి మీ మీదకి వదిలాడు. మీకు వచ్చింది ఏం ఉంది అందులో ?? ఆ యబ్బి బ్లడ్ బ్యాంకు పెట్టి ....రక్తం నువ్వు ఇస్తే పబ్లిసిటీ తను చేసుకున్నాడు..... ‘ఐ’ బ్యాంకు పెట్టి కళ్ళు నువ్వు దానం చేస్తే ఆయన గొప్పతనంగా ప్రమోట్ చేసుకున్నాడు ..! అందులో నీకు వచ్చింది ఏం ఉంది ??
ఆ తరువాత.....రాజకీయాల్లోకి వచ్చి నీ భుజాన పార్టీ జెండా పెట్టి.... టికెట్స్ తను అమ్ముకొని సొమ్ము చేసుకున్నాడు..... కొడుక్కి 'రోల్స్ రాయిస్' లాంటి ఖరీదైన కార్లు కొన్నాడు..... నీకు ఏం పెట్టాడు..... చేతిలో చిప్ప తప్ప ..!
294 లో ఒక పది టికెట్స్ అయినా 3 దశాబ్దాలు గా ఆయన్ని మోస్తున్న ఫ్యాన్స్ ప్రెసిడెంట్స్ కి అయినా ఇచ్చాడా ?? లేదు, డబ్బు సంచులతో ఎవడు వస్తే వాడికే ఇచ్చాడు.
కలెక్షన్స్ బాగా దండుకొని అంతా అయ్యాక పార్టీ మూసేసి.... నన్ను అమాయకుడిని చేసి ముంచేసారని మొసలి కన్నీళ్ళు కారిస్తే.....నువ్వు పెడ బొబ్బలు పెట్టావ్.... మా అన్న మంచోడు చుట్టూ చేరి ముంచేసారని ..!
ఎన్టీఆర్ గారు అదే సినిమా ప్రపంచం నుండి వచ్చి.... పార్టీ పెట్టి తన ఫ్యాన్స్ ప్రెసిడెంట్స్ గా ఉన్న శ్రీపతి రాజేశ్వర్, నెల్లూరు రమేష్ రెడ్డి, బి వి మోహన్ రెడ్డి...... లాంటి వాళ్ళకి టికెట్స్ ఇచ్చి గెలిపించి మంత్రుల్ని చేశాడు. మరి ప్రజలు లేని ఒక రాజ్యం అనే పార్టీ పెట్టినా ఆ అన్న ఏం చేసాడు ??
ఇవాళ తమ్ముడు..... ఇంకో పార్టీ పెట్టి కొత్త అవతారం ఎత్తాడు. పార్టీ పెట్టి ....పెట్టక ముందే ఒక మంచి ప్యాకేజీ కుదుర్చుకొని ప్రీ ప్రొడక్షన్ లో పార్టీ ఉండగానే టేబుల్ ప్రాఫిట్ చూశాడు. మహా తెలివిగలోడు.
ఎంత తెలివి అంటే ఒక బజారు మనిషి తనని తిడితే మా తల్లిని తిట్టింది అని నిమ్మళంగా నాలుగు రోజులాగి దానిని రాజకీయం చేసి , మీడియా మీద బురద జల్లి దాంట్లో కొంచెం ప్రత్యర్థి పార్టీకి పూసి తను పెట్టబోయే కొత్త ఛానల్ కి ప్రమోట్ చేసుకునేంత తెలివిగలోడు...
అసలు చెప్పిన నిజాలు నీకు ఒప్పుకోవడానికి మనసొప్పదు.. సరే నేను ఒకటి అడుగుతా చెప్పు.. 30 ఏళ్లుగా NO 1గా ఉంటూ సగానికి పైగా థియేటర్స్ కంట్రోల్ లో పెట్టుకొని సినిమా ఇండస్ట్రీలో మకుటం లేని మహారాజు గా ఉన్న ఆ పెద్ద మనిషి... ఒక్క నటుడినైనా మీ కులంలో నుండి హీరో గా రమ్మని గాని.. వచ్చిన వాళ్ళని ఎంకరేజ్ చేయడం గాని జరిగిందా ??
లేదు.. ఆయన కుటుంబం లోనే డజను మందిని దింపి .....నీ భుజాన మోపాడు. ఏం, మీ కులంలో ఆ కుటుంబం తప్పించి హీరోస్ అయ్యే అర్హత ఇంకెవరికి లేదా??
అదే సినిమా ప్రపంచంలో ఇంకో కులం కూడా ఉంది.. 3 శాతం కూడా లేని... ఆ కులం నుండి 30 రకాల కుటుంబాలు బోలెడు డైరెక్టర్స్... బొచ్చెడు మంది హీరోస్ ఉన్నారు. మరి 30 శాతం ఉన్న మీ కులం ఉండి ఆ కుటుంబం తప్పించి ఇంకొకళ్లని ఆ కుటుంబం ఎందుకు తీసుకు రావట్లేదు..... అదే వ్యాపారం అంటే మీ కులానికి తానే ప్రతినిధిని అని చెప్పుకుంటూ చేసే మోనోపాలి బిజినెస్ అది.
ఏనాడైనా మీరు బాగా చదువుకుని బాగుపడండిరా.. మా వెనక తిరగొద్దు .. అన్నారా?
తెలుసుకో.. ఇప్పటికైనా కళ్ళు తెరువు... టికెట్స్ కోసం సిగపట్లు పట్టి ... చిరిగిన చొక్కా తెగిన జోళ్ళు చూసుకో.
కులం మాటున చేసే ఆ బానిస మనస్తత్వం వదిలి నీ గురించి నీ కుటుంబం గురించి ఆలోచించు..... ఒళ్ళు వంచి కష్టపడు అపుడు రిజర్వేషన్ అడగాల్సిన అవసరం కూడా ఉండదు.
నిన్న కూడా సరిగ్గా వయసు కూడా రాని కుర్రోళ్ళు.....ఫ్యాన్స్ పేరుతో....టీవీ వాహనాలు పగలగొట్టారు.....ఓ వ్యక్తిని....పోలీసు చొక్కా పట్టుకుని లాక్కెళ్లడం కూడా చూసాం....వాళ్ళు వచ్చారా.
సమయం అంత ఆ కుటుంబం తీసిన సినిమాలు.....పెట్టిన పార్టీలు..... ఇచ్చిన పిలుపులకి స్పందించటానికి ఖర్చు పెడితే నీ భార్య బిడ్డలకి ఏం తెచ్చి పెడతావ్......ఎలా పోషిస్తావ్ ??
కొంతమంది నా ప్రాణమిత్రులు...సోదరులు.... ఫ్యాన్స్ గా చెప్పుకుంటూ 'క్యాస్ట్ ప్రైడ్' తో కాలర్ ఎగరేసే చాలా మందిని చూసి జాలి వేసి రాయాలి అనిపించి రాసా ..! ’ అంటూ శ్రీరెడ్డి పేర్కొంది.