panasonic p95: ప్యానాసోనిక్ నుంచి రూ.3,999కే స్మార్ట్ ఫోన్... పి95 విడుదల
- ఫేస్ అన్ లాక్, వాయిస్ రికగ్నిషన్
- 1జీబీ ర్యామ్, 16జీబీ స్టోరేజీ
- 5 అంగుళాల హెచ్ డీ+ డిస్ ప్లే
ప్యానాసోనిక్ ఇండియా కంపెనీ తన మొబైల్స్ విభాగంలో పి95 పేరుతో మరో సరికొత్త స్మార్ట్ ఫోన్ ను విడుదల చేసింది. దీని ధర రూ.3,999. ఇందులో 5 అంగుళాల హెచ్ డీ+ ఐపీఎస్ డిస్ ప్లే, 1.3 గిగాహెర్జ్ క్వాడ్ కోర్ క్వాల్ కామ్ స్నాప్ డ్రాగన్ ప్రాసెసర్, 1జీబీ ర్యామ్, 16జీబీ అంతర్గత స్టోరేజీ, 128జీబీ వరకు మైక్రో ఎస్డీ కార్డు ద్వారా ఎక్స్ పాండబుల్ ఫీచర్లు ఉన్నాయి. ఇంకా 2,600 ఎంఏహెచ్ బ్యాటరీ, 8 మెగా పిక్సల్ రియర్ కెమెరా, 5మెగా పిక్సల్ ఫ్రంట్ కెమెరా, ఆండ్రాయిడ్ నౌగత్ 7.1.2 ఓఎస్ ఉన్నాయి.
ఇందులో ఫేస్ అన్ లాక్, వాయిస్ రికగ్నిషన్ సదుపాయాలను కంపెనీ ఏర్పాటు చేసింది. గోల్డ్, డార్క్ గ్రే, బ్లూ రంగుల్లో లభిస్తుంది. మంచి డిజైన్, చక్కని పనితీరుతో ఈ ఫోన్ యూజర్ల అభిమానాన్ని చూరగొంటుందన్న అభిప్రాయాన్ని ప్యానాసోనిక్ ఇండియా మొబిలిటీ డివిజన్ బిజినెస్ హెడ్ పంకజ్ రాణా పేర్కొన్నారు.
