Pawan Kalyan: రేపు అతిపెద్ద జాతీయ పతాకాన్ని ఎగరవేయనున్న పవన్ కల్యాణ్!
- తొలి స్వాతంత్ర్య పోరాటాన్ని తలుచుకుంటూ కార్యక్రమం
- హైదరాబాద్‌లోని ఎన్టీఆర్‌ స్టేడియంలో జనసేన వేడుక
- 22,326 చ.అడుగుల జాతీయ పతాక ఆవిష్కరణ
రవి అస్తమించని బ్రిటిష్ సామ్రాజ్యంపై భారత్‌లో మొట్టమొదటి తిరుగుబాటు ప్రారంభమైన రోజు మే 10, 1857. ఆ పోరాట స్ఫూర్తితో భారతావనిలో ఎన్నో ఉద్యమాలు ఉవ్వెత్తున ఎగసి సుదీర్ఘ పోరాటం తరువాత చివరకు ఆగస్టు 15, 1947లో భారత్‌ కు స్వాతంత్ర్యం సిద్ధించింది.
తొలి స్వాతంత్ర్య పోరాటంగా చరిత్రకారులు పేర్కొనే ఆ సిపాయిల తిరుగుబాటును తలుచుకుంటూ రేపు జనసేన అధ్యక్షుడు పవన్ కల్యాణ్ హైదరాబాద్‌లోని ఎన్టీఆర్‌ స్టేడియంలో ఓ భారీ కార్యక్రమాన్ని చేపట్టనున్నట్లు ఆ పార్టీ తెలిపింది. రేపు ఉదయం 10 గంటలకు ప్రపంచ అతిపెద్ద భారత జాతీయ పతాకాన్ని (22,326 చ.అడుగులు) ఎగురవేయనున్నట్లు పేర్కొంది.