Hyderabad: ‘తాజ్ కృష్ణ’లో ఎమ్మెల్యేలతో సమావేశమైన సిద్ధరామయ్య
- బెంగళూరు నుంచి హైదరాబాద్ చేరుకున్న సిద్ధరామయ్య
- కొనసాగుతున్న సీఎల్పీ సమావేశం
- అసెంబ్లీలో రేపు అనుసరించాల్సిన వ్యూహంపై చర్చ
బెంగళూరు నుంచి విమానంలో బయలుదేరిన కాంగ్రెస్ నేతలు సిద్ధరామయ్య, గులాంనబీ ఆజాద్, ఆరుగురు ఎమ్మెల్యేలు హైదరాబాద్ చేరుకున్నారు. బేగంపేట విమానాశ్రయం నుంచి నేరుగా తాజ్ కృష్ణ హోటల్ కు వెళ్లారు. అక్కడ బస చేసిన ఎమ్మెల్యేలతో కలిసి కర్ణాటక సీఎల్పీ సమావేశం జరుగుతోంది. రేపు అసెంబ్లీలో బీజేపీ బలనిరూపణ చేసుకోనున్న నేపథ్యంలో తమ పార్టీ వాళ్లు అనుసరించాల్సిన వ్యూహంపై చర్చించారు.
కాగా, జేడీఎస్ నేత కుమారస్వామిగౌడ కూడా తాజ్ కృష్ణాకు చేరుకున్నారు. నోవాటెల్ హోటల్ లో ఉన్న జేడీఎస్ ఎమ్మెల్యేలు తాజ్ కృష్ణాకు చేరుకోనున్నారు. ఈ సందర్భంగా కాంగ్రెస్ పార్టీ నేతలతో కుమారస్వామిగౌడ చర్చించాక బెంగళూరు ఎప్పుడు వెళ్లాలనే విషయమై నిర్ణయం తీసుకుంటారు.