US police: రికార్డు బ్రేకింగ్ సీజ్! 2.6 కోట్ల మందిని చంపగలిగేంత డ్రగ్స్ స్వాధీనం

27-05-2018 Sun 08:33 | International

రూ.135 కోట్ల విలువైన 53.5 కేజీల డ్రగ్స్ స్వాధీనం
హెరాయిన్ కంటే 50 రెట్లు శక్తిమంతమైనది
నెబ్రాస్కాలో అతిపెద్ద డ్రగ్ రాకెట్ గుట్టురట్టు

అమెరికా పోలీసులు రికార్డు సృష్టించారు. ఏకంగా 2.6 కోట్ల మందిని చంపగలిగేంత డ్రగ్స్‌ను స్వాధీనం చేసుకున్నారు. నెబ్రాస్కాలోని ఓ కంపార్ట్‌మెంట్‌లో ట్రక్కులో దాచిపెట్టిన 53.5 కేజీల ఫెంటానిల్ డ్రగ్స్‌ను స్వాధీనం చేసుకున్నారు. ఈ డ్రగ్స్‌తో రెండున్నర కోట్ల మందిని చంపేయవచ్చని యూఎస్ డ్రగ్ ఎన్‌ఫోర్స్‌మెంట్ అధికారులు తెలిపారు. ఈ మొత్తం డ్రగ్స్ విలువ రూ.135 కోట్లు ఉంటుందని అంచనా వేశారు. హెరాయిన్ కంటే ఫెంటానిల్ 30 నుంచి 50 రెట్ల శక్తిమంతమైనది వివరించారు.