ntr: 'రావణాసురన్' గా మలయాళంలోకి ఎన్టీఆర్!
- బాబీ దర్శకత్వంలో తెరకెక్కిన 'లవకుశ'
- త్రిపాత్రాభినయం చేసిన ఎన్టీఆర్
- త్వరలో మలయాళ ప్రేక్షకుల ముందుకు
తెలుగులో ఎన్టీఆర్ చేసిన 'జనతా గ్యారేజ్' భారీ విజయాన్ని సాధించింది. దాంతో ఆ సినిమా మలయాళంలోకి అనువదించబడి అక్కడ కూడా మంచి వసూళ్లను రాబట్టింది. ఆ సినిమా మలయాళంలో ఎన్టీఆర్ మార్కెట్ ను పెంచేసింది. దాంతో 'లవకుశ ' సినిమాను కూడా మలయాళ ప్రేక్షకుల ముందుకు తీసుకెళుతున్నారు.
బాబీ దర్శకత్వం వహించిన 'లవకుశ' .. క్రితం ఏడాది సెప్టెంబర్లో విడుదలై అనూహ్యమైన విజయాన్ని సాధించింది. ఎన్టీఆర్ ఈ సినిమాలో మూడు పాత్రలను పోషించగా .. అందులో నెగెటివ్ షేడ్స్ కలిగిన 'రావణ' పాత్రకు మంచి రెస్పాన్స్ వచ్చింది. ఈ పాత్రకి సంబంధించిన సాంగ్ కూడా ఈ సినిమాకి హైలైట్ గా నిలిచింది. అందువలన రావణ పాత్రను హైలైట్ చేస్తూ మలయాళంలో ఈ సినిమాను 'రావణాసురన్' పేరుతో విడుదల చేయనున్నారు. కల్యాణ్ రామ్ నిర్మించిన ఈ సినిమా అక్కడ ఏ స్థాయి విజయాన్ని సాధిస్తుందో చూడాలి.