ram: ఈసారి హిట్ ఖాయమంటోన్న రామ్
- రామ్ హీరోగా 'హలో గురు ప్రేమకోసమే'
- కథానాయికగా అనుపమ పరమేశ్వరన్
- సెప్టెంబర్లో భారీస్థాయిలో విడుదల
త్రినాథరావు నక్కిన దర్శకత్వంలో రామ్ .. అనుపమ పరమేశ్వరన్ జంటగా 'హలో గురు ప్రేమకోసమే' సినిమా రూపొందుతోంది. దిల్ రాజు నిర్మిస్తోన్న ఈ సినిమా ఇప్పటికే 80 శాతం చిత్రీకరణను జరుపుకుంది. ప్రస్తుతం క్లైమాక్స్ కి సంబంధించిన సన్నివేశాలను చిత్రీకరిస్తున్నారు. సెప్టెంబర్లో ఈ సినిమాను విడుదల చేయాలనే ఆలోచనలో వున్నారు.
సీనియర్ హీరోయిన్ 'ఆమని' ఈ సినిమాలో ఒక కీలకమైన పాత్రను పోషిస్తోంది. ఆమె పాత్ర ఈ సినిమా హైలైట్స్ లో ఒకటిగా నిలుస్తుందని చెబుతున్నారు. యూత్ ఫుల్ ఎంటర్టైనర్ గా రూపొందుతోన్న ఈ సినిమాకి దేవిశ్రీ బాణీలను అందించాడు. సంగీతం ఈ సినిమాకి ప్రత్యేక ఆకర్షణగా నిలుస్తుందని అంటున్నారు. ఇంతకు ముందు రామ్ .. అనుపమ కాంబినేషన్లో వచ్చిన 'ఉన్నది ఒకటే జిందగీ' సరిగ్గా ఆడలేదు. ఈ సినిమా మాత్రం తప్పకుండా హిట్ కొడుతుందనే నమ్మకాన్ని రామ్ వ్యక్తం చేశాడు.