pc market: దేశ పీసీ మార్కెట్లో మొదటి స్థానానికి హెచ్ పీ, రెండో స్థానానికి వెళ్లిన డెల్

29-06-2018 Fri 11:25 | National

జనవరి-మార్చి కాలంలో హెచ్ పీ మార్కెట్ వాటా 28.9 శాతం
23.4 శాతం వాటాతో రెండో స్థానంలో డెల్
మూడో స్థానంలో లెనోవో... 21.8 శాతం మార్కెట్ వాటా

దేశ పీసీ మార్కెట్లో హెచ్ పీ తిరిగి మొదటి స్థానానికి చేరుకుంది. 2018 జనవరి-మార్చి కాలంలో పర్సనల్ కంప్యూటర్లలో 28.9 శాతం వాటాతో మార్కెట్ లీడర్ గా నిలిచింది. డెల్ మొదటి స్థానాన్ని కోల్పోయింది. 23.4 శాతం వాటాతో రెండో స్థానంలోకి వచ్చేసింది. సైబర్ మీడియా రీసెర్చ్ నివేదిక ఈ వివరాలను వెల్లడించింది. లెనోవో కంపెనీ 21.8 శాతం వాటాతో మూడో స్థానంలో ఉంది. సంస్థల నుంచి కొనుగోళ్లు పెరగడంతో మొత్తం మీద మొదటి క్వార్టర్లో పీసీ అమ్మకాల వృద్ధి 4 శాతంగా నమోదైంది. సంస్థల విభాగంలో వృద్ధి 5 శాతం ఉంటే, రిటైల్ విభాగంలో 2 శాతంగానే ఉంది. కంపెనీలు తమ వ్యాపార భాగస్వాములకు ప్రోత్సాహకాలు ఇవ్వడం అమ్మకాల వృద్ధికి కలిసొచ్చినట్టు ఈ నివేదిక తెలియజేసింది.