Hyderabad: హైదరాబాద్‌లో ఫుట్‌పాత్‌లపై ఆక్రమణల తొలగింపు.. చిరు వ్యాపారుల ధర్నా
- ఫుట్‌పాత్‌లపై అక్రమ కట్టడాలపై జీహెచ్ఎంసీ దృష్టి
- రోడ్డు పక్కన అక్రమంగా వెలసిన దుకాణాలు ధ్వంసం
- మండిపడుతోన్న చిరు వ్యాపారులు
హైదరాబాద్‌లోని ఫుట్‌పాత్‌లపై అక్రమ కట్టడాలపై జీహెచ్ఎంసీ దృష్టి సారించింది. పాదచారులకు, వాహనదారులకు ఇబ్బందులు కలిగిస్తోన్న అక్రమ కట్టడాలను జీహెచ్ఎంసీ సిబ్బంది తొలగిస్తున్నారు. రోడ్డు పక్కన అక్రమంగా వెలసిన దుకాణాలన్నింటినీ ధ్వంసం చేస్తున్నారు. 6 ప్రత్యేక బృందాలను ఏర్పాటు చేసిన జీహెచ్ఎంసీ... పోలీసులను వెంటపెట్టుకుని నగరంలోని అన్ని అక్రమ కట్టడాలను తొలగిస్తోంది.
నేటి నుంచి మూడు రోజుల పాటు ఈ తొలగింపులు ఉంటాయి. ఫుట్‌పాత్‌లపై ఆక్రమణల తొలగింపు నేపథ్యంలో పలువురి నుంచి నిరసనలు వ్యక్తమవుతున్నాయి. మలక్‌పేట, దిల్‌సుక్‌నగర్‌ ప్రాంతాల్లో వెలసిన అక్రమ దుకాణాలను తొలగించడంతో చిరు వ్యాపారులు ధర్నాకు దిగారు.