boat: ఐ.పోలవరం వద్ద గోదావరిలో పడవ బోల్తా.. పడవలో 30 మందికి పైగా ప్రయాణికులు!
- తూర్పు గోదావరి జిల్లా ఐ.పోలవరం మండలం వద్ద ఘటన
- ప్రయాణికుల్లో ఎక్కువ మంది విద్యార్థులు
- 10 మందిని రక్షించిన స్థానిక గ్రామస్తులు
ఆంధ్రప్రదేశ్‌లో మరోసారి పడవ ప్రమాద ఘటన చోటు చేసుకుంది. తూర్పు గోదావరి జిల్లా ఐ.పోలవరం మండలం పశువుల్లంక వద్ద గోదావరిలో పడవ బోల్తా పడింది. ఆ పడవ తలారివారిపాలెం లంక నుంచి పశువుల్లంకకు బయల్దేరి వెళుతుండగా ఈ ప్రమాదం చోటు చేసుకుంది. అందులో సుమారు 30 మంది ప్రయాణికులు ఉన్నట్లు తెలుస్తోంది. వారిలో ఎక్కువ మంది విద్యార్థులే ఉన్నారు. సుమారు 10 మందిని స్థానిక గ్రామస్తులు కాపాడినట్లు సమాచారం. ఈ ఘటనపై సమాచారం అందుకున్న సంబంధిత అధికారులు సహాయక చర్యలు చేపట్టడానికి బయలుదేరారు.