Ox: ఏటీఎంలో దూరిన వృషభం హాయిగా విశ్రమించిన వేళ..!
- అనంతపురం జిల్లా పామిడిలో ఘటన
- డబ్బు డ్రా చేసేందుకు వచ్చి ఎద్దును చూసి భయపడ్డ ప్రజలు
- ఏటీఎంలను నిర్లక్ష్యంగా నిర్వహిస్తున్నారని విమర్శలు
ఎక్కడెక్కడ తిరిగి అలసిపోయిందోగానీ, ఆ వృషభం విశ్రమించేందుకు ఓ ఏటీఎంను ఎంచుకుంది. ఈ ఘటన అనంతపురం జిల్లా పామిడిలో కనిపించింది. ఓ ఏటీఎం వద్ద సెక్యూరిటీ గార్డు లేకపోవడం, తలుపు తీసుండటంతో ఆ ఎద్దు హాయిగా లోనికి వచ్చి పడకేసింది. ఆ సమయంలో డబ్బులు తీసుకునేందుకు వచ్చిన కొందరు లోపలున్న ఎద్దును చూసి భయపడి మరో ఏటీఎంను వెతుక్కుంటూ వెళ్లారు. కొందరు ఎద్దు ఫొటోలు తీసి సోషల్ మీడియాలో పెట్టారు. ఏటీఎంలను ఇంత నిర్లక్ష్యంగా ఎలా నిర్వహిస్తున్నారని పలువురు విమర్శిస్తున్నారు.