air indai: ఎయిర్ఇండియా విమానంలో మహిళతో తాగుబోతు అసభ్య ప్రవర్తన!
- న్యూయార్క్ నుంచి ఢిల్లీకి వస్తున్న విమానం
- ఎయిరిండియాను నిలదీసిన బాధితురాలి కుమార్తె
- చర్యలు తీసుకుంటామన్న విమానయాన సహాయమంత్రి
న్యూయర్క్ నుంచి ఢిల్లీకి వస్తున్న ఎయిరిండియా విమానంలో ఓ తాగుబోతు అసభ్యకరంగా ప్రవర్తించాడు. ప్యాంటు విప్పి, పక్కనున్న తోటి ప్రయాణికురాలి సీటుపై ఆమె చూస్తుండగానే మూత్ర విసర్జన చేశాడు. ఈ ఘటనతో బాధితురాలు హతాశురాలైంది. ఈ దారుణ ఘటనపై ఆమె కుమార్తె ఇంద్రాణి ఘోష్ ట్విట్టర్ ద్వారా ఎయిరిండియాను నిలదీశారు.
'జాన్ ఎఫ్ కెన్నడీ విమానాశ్రయం నుంచి ఢిల్లీకి మీ విమానం ఏఐ102లో ప్రయాణించిన మా అమ్మ... దారుణమైన పరిస్థితిని ఎదుర్కొంది. మందు తాగి ఉన్న ఓ ప్యాసింజర్ ప్యాంటు విప్పి, మా అమ్మ కూర్చున్న సీటుపై మూత్రం పోశాడు. ఒంటరిగా ప్రయాణిస్తున్న మా అమ్మ ఈ ఘటనతో నిశ్చేష్టురాలైంది. ఈ దారుణం పట్ల మీరు స్పందిస్తారని ఆశిస్తున్నా' అంటూ ట్వీట్ చేశారు.
దీనిపట్ల కేంద్ర విమానయాన సహాయమంత్రి జయంత్ సిన్హా స్పందించారు. 'మీ అమ్మకు ఇలాంటి పరిస్థితి ఎదువడం విచారకరం. విచారణ జరిపి, చర్యలు తీసుకుంటాం' అని రిప్లై ఇచ్చారు.
