samanta: సినిమా కబుర్లు.. సంక్షిప్త సమాచారం
- ఎంతో కష్టపడ్డాను అంటున్న సమంత!
- మల్టీ స్టారర్ చిత్రంలో జగపతిబాబు
- రామ్ సినిమా టాకీ పార్ట్ పూర్తి
- ప్రముఖ రచయిత దర్శకత్వంలో ఆది
* సినిమా ఇండస్ట్రీలో ఎవరూ ఎవరికీ ఊరికే సాయం చేయరని అంటోంది చెన్నయ్ బ్యూటీ సమంత. 'ఈ రోజు నేను ఈ స్థాయికి వచ్చానంటే ఇది నా కష్టమే. నాకు కష్టపడడమే తెలుసు. ఇక్కడా కష్టపడ్డాను. సక్సెస్ వచ్చింది. అంతేకానీ, ఎవరో సాయం చేస్తే ఈ స్థాయికి రాలేదు' అని చెప్పింది.
* ప్రముఖ నటుడు జగపతిబాబు త్వరలో ఓ మల్టీ స్టారర్ లో హీరోగా నటించనున్నాడు. నూతన దర్శకుడు అన్బరసన్ దర్శకత్వంలో రూపొందే బహుభాషా చిత్రంలో జగపతిబాబు ఓ హీరోగా నటిస్తాడు. ఇందులో సీనియర్ నటుడు అర్జున్, బాలీవుడ్ నటుడు జాకీష్రాఫ్ ఇతర హీరోలుగా నటిస్తారని సమాచారం.
* యంగ్ హీరో రామ్ కథానాయకుడుగా రూపొందుతున్న 'హలో గురు ప్రేమకోసమే' చిత్రం టాకీ పార్ట్ షూటింగ్ నిన్నటితో పూర్తయింది. మరికొన్ని పాటలు మాత్రం బ్యాలెన్స్ గా వున్నాయి. త్రినాథరావు నక్కిన దర్శకత్వం వహిస్తున్న ఈ చిత్రంలో అనుపమ పరమేశ్వరన్ హీరోయిన్ గా నటిస్తోంది.
* ప్రముఖ రచయిత డైమండ్ రత్నబాబు దర్శకత్వం వహించే చిత్రంలో ఆది సాయికుమార్ హీరోగా నటించనున్నాడు. ప్రస్తుతం ప్రీ ప్రొడక్షన్ పనులను జరుపుకుంటున్న ఈ చిత్రంలో మిస్తి చక్రవర్తి కథానాయికగా నటిస్తుంది.