sikkim: సిక్కింలో తొలి విమానాశ్రయాన్ని ప్రారంభించిన మోదీ

24-09-2018 Mon 13:47 | National

గ్యాంగ్ టక్ కు 33 కిలోమీటర్ల దూరంలో ఎయిర్ పోర్ట్
201ఎకరాల విస్తీర్ణంలో నిర్మాణం
అక్టోబర్ 4 నుంచి సర్వీసులు ప్రారంభం

సిక్కింలో తొలి విమానాశ్రయాన్ని ప్రధాని మోదీ ఈరోజు ప్రారంభించారు. ఈ విమానాశ్రయం గ్యాంగ్ టక్ కు 33 కిలోమీటర్ల దూరంలో ఉంది. 2009లోనే ఈ ఎయిర్ పోర్ట్ కు శంకుస్థాపన జరిగింది. తొమ్మిదేళ్ల అనంతరం ఇది ఈరోజు అందుబాటులోకి వచ్చింది. రూ. 605 కోట్ల ఖర్చుతో ఎయిర్ పోర్ట్స్ అథారిటీ ఆఫ్ ఇండియా ఈ విమానాశ్రయాన్ని నిర్మించింది. పోక్యంగ్ గ్రామాన్ని ఆనుకుని ఉన్న 2 కిలోమీటర్ల ఎత్తైన పర్వతంపై దీన్ని నిర్మించారు. సముద్ర మట్టానికి 4500 అడుగుల ఎత్తులో 201 ఎకరాల విస్తీర్ణంలో విమానాశ్రయం ఉంది. అక్టోబర్ 4వ తేదీన ఇక్కడి నుంచి ఢిల్లీ, కోల్ కతా, గౌహతిలకు విమాన సర్వీసులు ప్రారంభం కానున్నాయి.