Samsung W2019: శాంసంగ్ నుండి నూతన స్మార్ట్ ఫోన్.. ధర లక్ష పైనే!
- 'శాంసంగ్ డబ్ల్యూ 2019' విడుదల
- రెండు డిస్ప్లే లతో లభ్యం
- ధర సుమారుగా రూ.1,04,450
ప్రముఖ స్మార్ట్ ఫోన్ల కంపెనీ శాంసంగ్ తాజాగా నూతన ఫ్లిప్ స్మార్ట్ ఫోన్ ని లాంచ్ చేసింది. 'శాంసంగ్ డబ్ల్యూ 2019' పేరిట విడుదలైన ఈ ఫోన్ కి వెనక భాగంలో రెండు కెమెరాలు, పక్క భాగంలో ఫింగర్ ప్రింట్ సెన్సార్ ని ఏర్పాటు చేశారు. అలాగే 4.2 అంగుళాల స్క్రీన్ గల ఈ ఫోన్లో రెండు డిస్ప్లే లని ఏర్పాటు చేశారు. గతేడాది విడుదల చేసిన 'శాంసంగ్ డబ్ల్యూ 2018'కి మంచి ఆదరణ లభించడంతో ఈ ఏడాది 'డబ్ల్యూ 2019'ని సంస్థ విడుదల చేసింది. కాగా, పలు ఆకట్టుకునే ఫీచర్లు ఉన్న ఈ ఫోన్ ధర మన దేశంలో సుమారుగా రూ.1,04,450గా ఉండనుంది.
'శాంసంగ్ డబ్ల్యూ 2019' ఫీచర్లు:
- ఆండ్రాయిడ్ 8.1 ఓరియో ఆపరేటింగ్ సిస్టం
- 12 మెగాపిక్సల్ డ్యుయల్ బ్యాక్ కెమెరాలు
- 8 మెగాపిక్సల్ సెల్ఫీ కెమెరా
- 6 జీబీ ర్యామ్, 128/256 జీబీ ఇంటర్నల్ స్టోరేజ్
- 4.2" సూపర్ అమోలెడ్ డ్యుయల్ డిస్ప్లే (1920 x 1080 పిక్సల్స్ స్క్రీన్ రిజల్యూషన్)
- ఆక్టాకోర్ స్నాప్‌డ్రాగన్ 845 ప్రాసెసర్
- ఫింగర్ ప్రింట్ సెన్సార్
