Vijayasaireddy: ఒట్టు పెట్టుకున్న ప్రజలు... చంద్రబాబు గతి ఇంతే: విజయసాయిరెడ్డి
- నోరు విప్పితే అబద్ధాలు చెప్పే చంద్రబాబు
- 2014లో దొంగ హామీలను నమ్మిన ప్రజలు
- 2019లో బంగాళాఖాతంలో విసిరేయడం ఖాయం
- ఫేస్ బుక్ లో విజయసాయి విమర్శలు
ఏపీ సీఎం చంద్రబాబును వైఎస్ఆర్ కాంగ్రెస్ పార్టీ ఎంపీ విజయసాయిరెడ్డి మరో మారు టార్గెట్ చేసుకుని విమర్శలు గుప్పించారు. ఈ ఉదయం తన ఫేస్ బుక్ ఖాతాలో ఓ పోస్టు పెడుతూ, చంద్రబాబును బంగాళాఖాతంలో కలపాలని ప్రజలు ఒట్టు పెట్టుకున్నారని అన్నారు. "దొంగ హామీలు, నోరు విప్పితే అబద్దాలు... ఈ కళలో చంద్రబాబు మాస్టర్‌. 2014లో బాబు చేసిన దొంగ వాగ్దానాలన్నింటినీ రాష్ట్ర ప్రజలు నమ్మారు. అలాగే 2019 ఎన్నికలలో బాబును బంగాళాఖాతంలో విసిరేయాలని కూడా ఒట్టేసుకున్నారు" అని ఆయన వ్యాఖ్యానించారు.