Oppo R17 Pro: వెనుక వైపు మూడు కెమెరాలతో రానున్న ఒప్పో ఆర్17 ప్రో !
- డిసెంబర్ 4న భారత మార్కెట్లో విడుదల
- డిసెంబర్ 1 నుండే ప్రీ ఆర్డర్లు మొదలు
- ధర సుమారుగా రూ.43,000
మొబైల్ దిగ్గజం ఒప్పో వచ్చే నెల 4న ఆర్17 ప్రో పేరిట నూతన స్మార్ట్ ఫోన్ లాంచ్ చేయబోతోంది. ఇందులో 6.4 ఇంచుల భారీ డిస్ప్లేతో పాటు వెనక భాగంలో 3 కెమెరాలని ఏర్పాటు చేశారు. 8 జీబీ ర్యామ్ వేరియంట్లో గత ఆగష్టులో చైనాలో విడుదలైన ఈ ఫోన్ కి మంచి ఆదరణ లభించింది. చైనాలో విడుదలైన ధరతో పోలిస్తే మన దేశంలో సుమారుగా రూ.43,000కి లభ్యం అయ్యే అవకాశం ఉంది. ఎమెరాల్డ్ గ్రీన్, రేడియంట్ మిస్ట్ కలర్లలో అందుబాటులోకి రానున్న ఈ ఫోన్ ప్రీ ఆర్డర్లు డిసెంబర్ 1 నుండే మొదలు కానున్నాయి.
'ఒప్పో ఆర్17 ప్రో' ప్రత్యేకతలు:
- వెనుక భాగంలో 12/20 మెగాపిక్సల్ కెమెరాలతో పాటు 3డీ స్టీరియో కెమెరా
- 25 మెగాపిక్సల్ సెల్ఫీ కెమెరా
- 6.4 ఇంచ్ ఫుల్ హెచ్‌డీ ప్లస్ డిస్‌ప్లే
- 2340 x 1080 పిక్సల్స్ స్క్రీన్ రిజల్యూషన్
- ఆక్టాకోర్ స్నాప్‌ డ్రాగన్ 710 ప్రాసెసర్
- 8 జీబీ ర్యామ్, 128 జీబీ ఇంటర్నల్ స్టోరేజ్
- ఆండ్రాయిడ్ 8.1 ఓరియో ఆపరేటింగ్ సిస్టమ్ ( కలర్ ఓఎస్ 5.2 )
- ఇన్ డిస్‌ప్లే ఫింగర్ ప్రింట్ సెన్సార్
- 3700 ఎంఏహెచ్ బ్యాటరీ
