chiranjeevi: 'టాక్సీవాలా' టీమ్ కి చిరూ ఆహ్వానం .. అభినందనలు
- ఈ నెల 17న వచ్చిన 'టాక్సీవాలా'
- 30 కోట్లకి పైగా వసూళ్లు
- సక్సెస్ తెచ్చిన సంతోషంతో టీమ్
విజయ్ దేవరకొండ .. రాహుల్ సాంకృత్యన్ కాంబినేషన్లో 'టాక్సీవాలా' తెరకెక్కింది. ప్రియాంక జవాల్కర్ కథానాయికగా నటించిన ఈ సినిమాలో, మాళవిక నాయర్ ఒక కీలకమైన పాత్రను పోషించింది. ఈ నెల 17వ తేదీన ప్రేక్షకుల ముందుకు వచ్చిన ఈ సినిమా, 30 కోట్లకు పైగా వసూళ్లను సాధించి భారీ విజయాన్ని సొంతం చేసుకుంది.
ఈ సినిమా విడుదలకి ముందే రష్ లీక్ అయింది. దాంతో ఈ సినిమా వసూళ్ల విషయంలో అనుమానాలు తలెత్తాయి. విజయ్ దేవరకొండ క్రేజ్ .. ఇంట్రెస్టింగ్ కంటెంట్ జనాలను థియేటర్స్ కి రప్పించాయి. ఇంతటి విజయాన్ని సొంతం చేసుకున్న ఈ సినిమా టీమ్ ను చిరంజీవి తన ఇంటికి ఆహ్వానించారు. దర్శక నిర్మాతలను .. ప్రియాంక జవాల్కర్ ను ఆయన అభినందించారు. చిరంజీవి అభినందనలు అందుకున్నందుకు ఈ సినిమా టీమ్ చాలా హ్యాపీగా ఫీలైంది. 