Isha: సినిమా కబుర్లు.. సంక్షిప్త సమాచారం
- 16 నుంచి చరణ్ తో ఐటెం సాంగు
- ఫిలిం సిటీలో మహేశ్ 'మహర్షి'
- 'మిస్టర్ మజ్ను' రిలీజ్ డేట్
- విజయ్ దేవరకొండ ద్విభాషా చిత్రం
* రామ్ చరణ్ హీరోగా నటిస్తున్న 'వినయ విధేయ రామ' చిత్రం కోసం ఐటెం సాంగును ఈ నెల 16 నుంచి ఐదు రోజుల పాటు హైదరాబాదులో వేసిన ప్రత్యేకమైన సెట్లో చిత్రీకరిస్తారు. ఇందులో చరణ్ తో పాటు బాలీవుడ్ భామ ఈశా గుప్తా నటిస్తుంది.
* మహేశ్ బాబు నటిస్తున్న 'మహర్షి' చిత్రం షూటింగ్ గత మూడు వారాలుగా హైదరాబాదు, రామోజీ ఫిలిం సిటీలో జరుగుతోంది. అక్కడ ప్రత్యేకంగా వేసిన సెట్స్ లో షూటింగ్ చేస్తున్నారు. వంశీ పైడిపల్లి దర్శకత్వం వహిస్తున్న ఈ చిత్రంలో పూజా హెగ్డే కథానాయికగా నటిస్తోంది.
* అఖిల్ అక్కినేని నటిస్తున్న మూడో చిత్రం 'మిస్టర్ మజ్ను' రిలీజ్ డేట్ ఖరారైంది. జనవరి 25న దీనిని విడుదల చేయనున్నారు. వెంకీ అట్లూరి దర్శకత్వం వహిస్తున్న ఈ చిత్రంలో నిధి అగర్వాల్ హీరోయిన్ గా నటిస్తోంది.
* టాలీవుడ్ బిజీ యంగ్ హీరో విజయ్ దేవరకొండ మరో తెలుగు, తమిళ ద్విభాషా చిత్రంలో నటించనున్నాడు. ప్రస్తుతం సూర్య హీరోగా 'ఎన్జీకే' చిత్రాన్ని నిర్మిస్తున్న డ్రీం వారియర్ పిక్చర్స్ సంస్థ ఈ చిత్రాన్ని నిర్మిస్తుంది. దీనికి శ్రీకార్తీక్ దర్శకత్వం వహించే అవకాశం వుంది.
