Andhra Pradesh: ఏపీలో సంక్రాంతి సెలవులు... 7 నుంచి కాదు... 12 నుంచి!
- క్యాలెండర్ ప్రకారం 8 నుంచి 17 వరకూ సెలవులు
- 2 నుంచి 11 వరకూ జన్మభూమి - మా ఊరు
- విద్యార్థులను భాగస్వామ్యం చేయాలని ప్రభుత్వ ఆలోచన
- సెలవులను మార్చే అవకాశాలు
ఆంధ్రప్రదేశ్ లో పాఠశాలలకు జనవరి 12 నుంచి 21 వరకూ సంక్రాంతి సెలవులు ఇచ్చే అవకాశాలు కనిపిస్తున్నాయి. వాస్తవానికి వచ్చే నెల 8 నుంచి 17 వరకూ సంక్రాంతి సెలవులు ఇవ్వాలని అకడమిక్‌ క్యాలెండర్ లో ముందే నిర్ణయించారు. అయితే, 2 నుంచి 11 వరకూ 'జన్మభూమి - మా ఊరు' కార్యక్రమాన్ని ప్రభుత్వం తలపెట్టినందున, ఈ కార్యక్రమంలో విద్యార్థులను భాగస్వాములను చేయాలని నిర్ణయించినట్టు సమాచారం. దీంతో సెలవులను మార్చాలని ఎన్సీఈఆర్‌టీ నుంచి పాఠశాల విద్యా కమిషనర్‌ కె.సంధ్యారాణికి ప్రతిపాదనలు అందాయి. దీనిపై ఆమె ప్రభుత్వ ఉన్నతాధికారులను సంప్రదించి తుది నిర్ణయాన్ని తీసుకోనున్నారని తెలుస్తోంది.