sweeper: స్వీపర్ పోస్టుల కోసం భారీ సంఖ్యలో దరఖాస్తు చేసిన ఇంజినీరింగ్, ఎంబీఏ గ్రాడ్యుయేట్లు

07-02-2019 Thu 16:19 | National

తమిళనాడు అసెంబ్లీలో స్వీపర్ పోస్టులకు ప్రకటన
నెలసరి వేతనం రూ. 17,000
దరఖాస్తు చేసిన ఎంటెక్, బీటెక్, ఎంబీఏ, పీజీ, డిగ్రీ విద్యావంతులు

స్వీపర్ పోస్టుల కోసం వేలాది మంది ఇంజినీరింగ్, ఎంబీఏ గ్రాడ్యుయేట్లు దరఖాస్తు చేయడం సంచలనంగా మారింది. వివరాల్లోకి వెళ్తే, తమిళనాడు అసెంబ్లీలో 14 స్వీపర్ పోస్టుల కోసం ప్రకటన వెలువడింది. ఈ ఉద్యోగాల కోసం ఏకంగా 4,600 దరఖాస్తులు వచ్చాయి. వీరిలో 150 మంది ఎంటెక్, బీటెక్, ఎంబీఏ, డిగ్రీ, పీజీలు చేసినవారు ఉన్నారు. వీటిలో అసంపూర్ణంగా ఉన్న 677 దరఖాస్తులను అధికారులు తిరస్కరించారు. వాస్తవానికి ఈ ఉద్యోగాలకు ఎలాంటి విద్యార్హత అవసరం లేదు. రాష్ట్రంలో నిరుద్యోగ సమస్యకు ఇది అద్దంపడుతోందని ప్రభుత్వంపై విపక్షాలు విమర్శలు గుప్పించాయి. నెలసరి వేతనం రూ. 17వేలు ఉండటం వల్లే ఉన్నత విద్య చదివిన వారు కూడా ఈ ఉద్యోగానికి దరఖాస్తు చేశారని అధికార అన్నాడీఎంకే స్పందించింది.