Ada Sharma: అదా శర్మకు ఇంత టాలెంటా?;;; ఫిదా అవుతున్న నెటిజన్లు!
- మల్లకంబను ప్రాక్టీస్ చేసిన అదా శర్మ
- చెట్టుకు తాడు కట్టి విన్యాసాలు
- వైరల్ అవుతున్న చిత్రాలు
మల్లకంబ పేరు విన్నారా? భారతీయ సంప్రదాయ క్రీడల్లో ఇది చాలా వినూత్నంగా ఉంటుంది. ఓ చెక్క స్తంభంపై నిలబడటం, ఓ తాడును నడుముకు చుట్టుకుని, ఆపై చేతులు, కాళ్లతో బ్యాలెన్స్ చేసుకుంటూ, రకరకాల సాహస భంగిమలు చేయడం ఇందులో ఉంటాయి. ఇదేమంత సులువైనది కాదు.
మధ్యప్రదేశ్ రాష్ట్ర క్రీడగా ఉన్న ఈ మల్లకంబలో నటి అదా శర్మ నిష్ణాతురాలైంది. ఆమె మల్లకంబలో ప్రావీణ్యం సంపాదించగా, ఆ చిత్రాలను చూసిన నెటిజన్లు, 'ఆమెలో ఇంత టాలెంట్ ఉందా?' అంటూ ఫిదా అవుతున్నారు. తాజాగా, అదా శర్మ తన సోషల్ మీడియా ఖాతాల్లో పోస్ట్ చేసిన ఓ ఫొటో వైరల్ అవుతోంది. ఈ నెల 16, 17 తేదీల్లో ముంబైలో తొలి మల్లకంబ జాతీయ పోటీలు జరుగనున్న నేపథ్యంలో, ఇదే క్రీడను అదా శర్మ ప్రాక్టీస్ చేసింది.
ఒక చెట్టు కొమ్మలకి ఓ తాడు కట్టి, దాన్ని కాళ్లకు, నడుముకి చుట్టుకుని వెల్లకిలా పడుకుని అద్భుత రీతిలో బ్యాలెన్స్ చేసింది. దాదాపు నలభై మూడు సెకన్ల పాటు ఈ విద్యను ప్రదర్శిస్తూ, ఆమె వీడియో తీసుకుంది. ఆమె ఫిట్ నెస్ ఇప్పుడు నెటిజన్లను ఉత్సాహపరుస్తోంది. కాగా, అదా శర్మ ఇప్పటికే, మల్లయుద్ధం, కత్తి సాము వంటి ఎన్నో విద్యలలో ప్రాక్టీస్ చేసి నిష్ణాతురాలైన సంగతి తెలిసిందే.