koushal: కొంతమంది పనిగట్టుకుని నాపై విమర్శలు చేస్తున్నారు: 'బిగ్ బాస్' కౌశల్
- కావాలనే ఇలా చేస్తున్నారు
- నేనెప్పుడూ ఒకేలా వుంటాను
- ఇలాంటి విమర్శలు పట్టించుకోను
'బిగ్ బాస్' సీజన్ 2లో పాల్గొన్న దగ్గర నుంచి కౌశల్ బుల్లితెర ప్రేక్షకులకు చేరువయ్యాడు. 'బిగ్ బాస్ 2'లో విజేతగా నిలిచిన దగ్గర నుంచి ఆయన క్రేజ్ ఒక్కసారిగా పెరిగిపోయింది. కౌశల్ విజేతగా నిలవడం వెనుక 'కౌశల్ ఆర్మీ' కీలకమైన పాత్రను పోషించింది. అలాంటి కౌశల్ ఆర్మీకి సంబంధించిన వారిలో నుంచే ఇప్పుడు కొంతమంది ఆయనపై విమర్శలు చేస్తున్నారు. కౌశల్ కి డబ్బే ప్రధానమనే ఆరోపణలు చేస్తున్నారు.
తాజాగా ఈ విషయంపై కౌశల్ స్పందిస్తూ .. 'బిగ్ బాస్' హౌస్ లో వున్నప్పుడు నేను ఎలా ఉన్నానో .. ఇప్పుడూ అలాగే వున్నాను. నాలో ఎలాంటి మార్పు రాలేదు .. నా వ్యక్తిత్వం అప్పుడు ఎలా వుందో ఇప్పుడూ అలాగే వుంది. కొంతమంది నన్ను కిందికి లాగడం కోసం పనిగట్టుకుని విమర్శలు చేస్తున్నారు. అలాంటివారికి సమాధానం చెప్పుకోవలసిన అవసరం నాకు లేదు. నేనేంటో నాకు తెలుసు .. ఇలాంటి విమర్శలను ఎంతమాత్రం పట్టించుకోను" అని తేల్చి చెప్పేశాడు.