Hyderabad: వైసీపీ సీనియర్ నేతలతో జగన్ అత్యవసర సమావేశం?
- అందుబాటులో ఉన్న నేతలతో జగన్ సమావేశం
- ఎన్నికల షెడ్యూల్, రాజకీయ పరిణామాలపై చర్చ
- ఈ సమావేశం తర్వాత మీడియాతో మాట్లాడనున్న నేతలు?
ఏప్రిల్ 11న తెలుగు రాష్ట్రాల్లోని లోక్ సభ స్థానాలతో పాటు ఏపీ అసెంబ్లీకి ఎన్నికలు జరగనున్నట్టు కేంద్ర ఎన్నికల సంఘం ప్రకటించిన విషయం తెలిసిందే. ఈ నేపథ్యంలో వైసీపీ అధినేత జగన్ తమ పార్టీ సీనియర్ నేతలతో అత్యవసర సమావేశం నిర్వహించినట్టు సమాచారం. అందుబాటులో ఉన్న నేతలతో ఈ సమావేశం నిర్వహించారని తెలుస్తోంది. ఎన్నికల షెడ్యూల్, తాజా రాజకీయ పరిణామాలపై చర్చకు వచ్చినట్టు సమాచారం. అత్యవసర సమావేశం ముగిసిన అనంతరం, మీడియాతో వైసీపీ నేతలు మాట్లాడతారని సమాచారం.