Janasena: ‘జనసేన’ అధినేత పవన్ కల్యాణ్ నామినేషన్లకు ముహూర్తం ఖరారు

19-03-2019 Tue 21:19 | Andhra

21న గాజువాకలో, 22న భీమవరంలో నామినేషన్లు
గాజువాకలో ఉదయం 10.30 తర్వాత
భీమవరంలో మధ్యాహ్నం ఒంటి గంట తర్వాత

రానున్న ఎన్నికల్లో పశ్చిమగోదావరి జిల్లా భీమవరం, విశాఖపట్టణం జిల్లా గాజువాక స్థానాల నుంచి జనసేన పార్టీ అధినేత పవన్ కల్యాణ్ అసెంబ్లీకి పోటీ చేయనున్న విషయం తెలిసిందే. ఈ క్రమంలో ఈ నెల 21న గాజువాకలో, 22న భీమవరంలో పవన్ నామినేషన్లు వేస్తారని ఓ ప్రకటనలో జనసేన పార్టీ పేర్కొంది. గాజువాకలో ఉదయం 10.30-1.00 గంట మధ్య, భీమవరంలో మధ్యాహ్నం ఒంటి గంట నుంచి సాయంత్రం 5 గంటల మధ్య సమయంలో రిటర్నింగ్ అధికారులకు పవన్ తన నామినేషన్ పత్రాలు సమర్పించనున్నట్టు పేర్కొంది.