TRS: టీఆర్‌ఎస్‌లో చేరనున్న కాంగ్రెస్‌ మాజీ ఎమ్మెల్యే
- రేపు కేసీఆర్‌ సమక్షంలో అధికారికంగా చేరే అవకాశం
- కేటీఆర్‌తో భేటీ అయన మాజీ ఎమ్మెల్యే ప్రతాప్‌రెడ్డి
- గతంలో షాద్‌నగర్‌ నుంచి ప్రాతినిధ్యం
ఎన్నికలు సమీపిస్తున్న కొద్దీ తెలంగాణలో టీఆర్ఎస్ లోకి వలసలు కొనసాగుతూనే ఉన్నాయి. కాంగ్రెస్‌ పార్టీతోపాటు ఇతర పార్టీల నుంచి ఎమ్మెల్యేలు, మాజీలు, ద్వితీయశ్రేణి నాయకులు కారెక్కేందుకు ఆరాటపడుతున్నారు. తాజాగా ఈ జాబితాలో కాంగ్రెస్‌కు చెందిన మాజీ ఎమ్మెల్యే ప్రతాప్‌రెడ్డి చేరారు. ఆయన టీఆర్‌ఎస్‌లో చేరేందుకు సిద్ధమవుతున్నారు. మంత్రి శ్రీనివాస్‌గౌడ్‌, ఎమ్మెల్యే అంజయ్యయాదవ్‌, ఎమ్మెల్సీ దామోదరరెడ్డి, టీఆర్ఎస్ నేత జూపల్లి భాస్కర్‌తో కలిసి ఈ రోజు పార్టీ కార్యనిర్వాహక అధ్యక్షుడు కేటీఆర్‌తో ఆయన సమావేశమయ్యారు. రేపు మధ్యాహ్నం తెలంగాణ భవన్‌లో జరిగే కార్యక్రమంలో సీఎం కేసీఆర్‌ సమక్షంలో అధికారికంగా టీఆర్ఎస్ కండువా కప్పుకోనున్నారు. ప్రతాపరెడ్డి గతంలో షాద్‌నగర్‌ అసెంబ్లీ నియోజకవర్గం నుంచి ప్రాతినిధ్యం వహించారు.