meghamsh: 'రాజ్ దూత్' విడుదల తేదీ ఖరారు
- హీరోగా శ్రీహరి తనయుడు
- కథానాయికగా కొత్తమ్మాయి పరిచయం
- జూలై 5వ తేదీన విడుదల
శ్రీహరి తనయుడు మేఘాంశ్ హీరోగా ఎంట్రీ ఇస్తోన్న సంగతి తెలిసిందే. లక్ష్య ప్రొడక్షన్స్ బ్యానర్ పై నిర్మితమవుతోన్న ఈ సినిమాకి, అర్జున్ - కార్తీక్ దర్శకులుగా వ్యవహరిస్తున్నారు. ఈ సినిమాకి 'రాజ్ దూత్' అనే టైటిల్ ను ఖరారు చేశారు. ఇప్పటికే ఈ సినిమా చాలావరకూ చిత్రీకరణను జరుపుకుంది.
తాజాగా ఈ సినిమాకి విడుదల తేదీని ఖరారు చేశారు. జూలై 5వ తేదీన ఈ సినిమాను విడుదల చేయనున్నారు. ఈ సినిమా ద్వారా కథానాయికగా కొత్త అమ్మాయి పరిచయమవుతోంది. ఇప్పటికే లుక్స్ పరంగా మేఘాంశ్ కి మంచి మార్కులు పడిపోయాయి. మరి తండ్రి మాదిరిగా మాస్ హీరోగా నిలదొక్కుకుంటాడా? లేదా? అనేది ఈ సినిమా విడుదల తరువాత తెలుస్తుంది.