america: కుప్పకూలిన పారాచ్యూట్ స్కైడైవింగ్‌ సంస్థ విమానం : 11 మంది మృతి
- అమెరికాలోని హవాయి రాష్ట్రంలో ఘటన
- మృతుల్లో సిబ్బంది, ప్రయాణికులు
- బయలుదేరిన కాసేపటికే కుప్పకూలిన విమానం
ఓ పారాచ్యూట్ స్కైడైవింగ్‌ సంస్థకు చెందిన విమానం కుప్పకూలిన ఘటనలో 11 మంది ప్రాణాలు కోల్పోయారు. అమెరికాలోని హవాయి రాష్ట్రంలో ఈ ఘటన చోటుచేసుకుంది. డిల్లింగ్హమ్‌ విమానాశ్రయం నుంచి బయలుదేరిన ఓ విమానం కాసేపటికే కుప్పకూలింది. ఈ ఘటనలో విమానంలోని సిబ్బంది, ప్రయాణికులు దుర్మరణం పాలయినట్లు అధికారులు తెలిపారు. విమానం ఓహు పారాచ్యూట్ స్కైడైవింగ్‌ సంస్థకు చెందినదని వివరించారు. ఘటన జరగడానికి గల కారణాలపై విచారణ జరుపుతున్నట్లు అధికారులు వెల్లడించారు.