chandrayaan-2: చంద్రయాన్-2... ఎప్పుడో అధికారికంగా ప్రకటించిన ఇస్రో!
- 15న జరగాల్సిన ప్రయోగం
- సాంకేతిక లోపంతో నిలిపివేత
- 22న మధ్యాహ్నం 2.43కు ప్రయోగం
ఈ నెల 15న క్రయోజనిక్ స్టేజ్ లోపంతో ఆగిపోయిన భారత ప్రతిష్ఠాత్మక అంతరిక్ష యాత్ర ప్రాజెక్ట్ 'చంద్రయాన్-2'ను ఇదే నెల 22, సోమవారం నాడు నిర్వహించనున్నట్టు భారత అంతరిక్ష సంస్థ ఇస్రో వెల్లడించింది. ఈ మేరకు తన ట్విట్టర్ ఖాతాలో అధికారిక ప్రకటన చేసింది. జూలై 22, మధ్యాహ్నం 2.43 గంటలకు చంద్రయాన్-2 రాకెట్ ప్రయోగం ఉంటుందని తెలిపింది. కాగా, రాకెట్ లో కనుగొన్న సాంకేతిక లోపాలను ఇప్పటికే సవరించామని ఇస్రో శాస్త్రవేత్తలు ప్రకటించిన సంగతి తెలిసిందే. ఈ దఫా ఎటువంటి ఆటంకాలు కలుగకుండా రాకెట్ ప్రయోగం జరగాలని ప్రతిఒక్కరూ కోరుకుంటున్నారు.