Manchiryala: మంచిర్యాల జేసీ వాహనానికి జరిమానా!
- హైదరాబాద్ లో తిరిగిన జేసీ వాహనం
- వేగంగా వెళుతుంటే గుర్తించిన స్పీడ్ లేజర్ గన్
- రూ. 1,035 జరిమానా విధించిన పోలీసులు
చట్టానికి ఎవరూ అతీతులు కాదని పోలీసులు నిరూపించారు. నిబంధనలు మీరితే ఎవరికైనా జరిమానా తప్పదని రుజువుచేశారు. వివరాల్లోకి వెళితే, మంచిర్యాల జాయింట్‌ కలెక్టర్‌ కు చెందిన వాహనం (టీఎస్‌ 19 సీ1009), ఈ నెల 28న హైదరాబాద్ కు వచ్చింది. అల్వాల్‌ ట్రాఫిక్‌ పోలీస్‌ స్టేషన్‌ పరిధిలోని ఎల్లంపేట వద్ద స్పీడ్ లేజర్ గన్ కు దొరికిపోయింది.
ఈ వాహనం అధిక వేగంతో వెళుతున్నట్టు పోలీసులు గుర్తించారు. నిర్దేశించిన వేగం కంటే, అధిక స్పీడ్ తో వెళుతున్నట్టు గుర్తించిన పోలీసులు ఈ-చలాన్ ను విధించారు. రూ. 1,000 జరిమానా, పైన యూజర్ చార్జీలు రూ. 35 కలిపి రూ. 1,035 జరిమానా విధించారు. కాగా, రహదారులపై అధిక వేగంతో వెళితే, స్పీడ్ లేజర్ గన్ లలోని సమాచారాన్ని అనుసరించి జరిమానా విధిస్తారు.