Hyundai: భారత్ లో కొత్త స్పోర్ట్స్ మోడల్ ను విడుదల చేసిన హ్యుందాయ్
- ఎక్స్ షోరూమ్ ధర రూ.12.78 లక్షలు
- ఎస్ యూవీ సెగ్మెంట్లో గట్టి పోటీ ఇస్తుందని అంచనా
- రెండు రంగుల్లో లభ్యం
హ్యుందాయ్ కార్లకు భారత్ లో విపరీతమైన గిరాకీ ఉన్న సంగతి తెలిసిందే. అన్ని వర్గాల వారికీ అందుబాటులో ఉండే కార్లతో హ్యుందాయ్ భారత మార్కెట్లో పట్టు సాధించింది. ఈ దక్షిణ కొరియా కార్ల దిగ్గజం తాజాగా క్రెటా స్పోర్ట్స్ మోడల్ కారును భారత్ లో ప్రవేశపెట్టింది. ఎస్ యూవీ సెగ్మెంట్లో ఇది ఇతర కంపెనీ కార్లకు గట్టి పోటీ ఇస్తుందని భావిస్తున్నారు. క్రెటా స్పోర్ట్స్ కారు ఎక్స్ షోరూమ్ ధర రూ.12.78 లక్షలు. పెట్రోల్, డీజిల్ రెండు వెర్షన్లలో లభిస్తుంది.
కాగా, రూఫ్ టాప్ నలుపు రంగులో, మిగిలిన భాగం తెలుపు రంగులో ఉండే మోడల్ కు అదనంగా రూ.11,000 చెల్లించాల్సి ఉంటుంది. ఫాంటమ్ బ్లాక్, పోలార్ వైట్ మోడళ్లలో ఈ కారు లభ్యమవుతుంది. ఆపిల్ కార్ ప్లే, టచ్ స్క్రీన్ ఇన్ఫోటైన్ మెంట్ వ్యవస్థ, ఆటోమేటిక్ క్లయిమేట్ కంట్రోల్, వైర్ లెస్ చార్జింగ్, గ్రిల్ ప్రొటెక్టెడ్ ప్రొజెక్టర్ హెడ్ లైట్స్ దీని ప్రత్యేకతలు.